Ақмола облысында 300 мыңнан астам адам спортпен шұғылданады

Облыста 300 мыңнан астам адам дене шынықтыру және спортпен айналысады, көрсеткіш облыс халқының 42% құрайды. Бұл туралы Ақмола облысының дене шынықтыру және спорт басқармасының басшысы Ардақ Төлендин журналисттермен өткен брифингте мәлім етті, деп хабарлайды Өңірлік коммуникациялар қызметінен.

Қазіргі уақытта облыста кәсіби спорт саласында Қазақстан Республикасының чемпионаттарында өнер көрсететін 5 команда бар – шайбалы хоккейден «Арлан», футболдан «Оқжетпес», баскетболдан «Оқжетпес», «Ұшқын Көкшетау» ерлер волейбол командалары.
«Әр түрлі спорт түрлері бойынша ҚР Ұлттық құрама командаларының құрамына облыстан 560 спортшы кіреді. Сонымен қатар облыста олимпиадалық спорт түрлерінен жоғары спорттық шеберлік мектебі , олимпиадалық емес және ұлттық спорт түрлерінен жоғары спорттық шеберлік мектебі, олимпиадалық резерв даярлау орталығы, олимпиадалық резервінің мектеп-интернат-колледжі жұмыс істейді», – деді Ардақ Болатұлы.

Облыста спорт резервін даярлауды 29 балалар мен жасөспірімдер спорт мектебі жүзеге асырып келеді. Онда 61 спорт түрі дамытылады, оның ішінде 30 олимпиадалық, 20 олимпиадалық емес және 11 ұлттық спорт түрі, жалпы 20 000 астам спортшы қамтылған.

Басқарма басшысының айтуынша облыс көлемінде халық үшін спорт ғимараттарының қолжетімділігін қамтамасыз ету бойынша белсенді жұмыс жүргізілуде.

«2021 жылдан бастап ерекше қажеттіліктері бар адамдар үшін спорт залдарға баруды қамтамасыз ету жөніндегі жобаны ұйымдастыру» мемлекеттік әлеуметтік тапсырысын іске асыру жүзеге асырылуда. Осындай қызметпен 524 адам қамтылды, оның ішінде 96 бала. Жоба аясында логопед, психолог, дефектолог, тәрбиешілер сияқты мамандар тартылды», – деп толықтырды Ардақ Төлендин.

Биылғы жылы облыс атынан қатысқан Парижде өткен жазғы паралимпиада ойындарында Дегтярев Дэвид пара пауэрлифтингтен екі дүркін чемпион атанды. Еркін Ғаббасов жазғы пневматикалық мылтықтан ату жарысында күміс жүлдегер атанды. Әмір Мұратбеков 100 метрге брасспен жүзуден іріктеу турнирінде сәтті өнер көрсетіп 8 орын алды. Алдияр Балташев 24 Сурдолимпиада ойындарында Рио-де-Жанейро қаласында өткен грек-рим күресінен жарыста қола медаль жеңіп алды.

«Облыста ерекше қажеттіліктері бар адамдар үшін «Мерген» спорт клубы жұмыс істейді, онда 11 спорт түрі бар. Оқитындар саны-355 адам. Клубтың табысты жұмысы 2 олимпиадалық цикл барысында тәрбиеленушілердің жоғары нәтижелерімен расталады. Жалпы облыс бойынша осы санаттағы айналысатын адамдардың саны 2454 адамды құрайды», – деп толықтырды басқарма басшысы.

Ақмола облысында 2 заманауи дене шынықтыру сауықтыру кешені пайдалануға берілді

Биылғы жылы облыста 2 заманауи дене шынықтыру-сауықтыру кешені қолданысқа берілді. Қазіргі уақытта екі кешен де толық қуатта жұмыс істейді. Ол Қосшы және Есіл қалаларында. Бұл туралы Ақмола облысының дене шынықтыру және спорт басқармасының басшысы Ардақ Төлендин журналисттермен өткен брифингте мәлім етті, деп хабарлайды Өңірлік коммуникациялар қызметінен.

Басқарма басшысының мәліметінше қазіргі уақытта облысты спорттық инфрақұрылыммен қамтамасыз ету 60,4% — құрайды. Сондай ақ, Бурабай ауданының Мәдениет ауылында 1 спорт кешенің құрылысы аяқталды.

«Биыл «Ауыл — ел бесігі» бағдарламасы аясында 4 дене шынықтыру-сауықтыру кешенінің құрылысы жүргізілуде. Олар Жақсы ауданының Жақсы ауылы, Қорғалжын ауданының Қорғалжын ауылы, Шортанды ауданының Бозайғыр ауылы, Целиноград ауданы Родина ауылында қолға алынған», – деді Ардақ Төлендин.

Көкшетаудағы Красный Яр ауылында және Степногорск қаласының Бестөбе ауылында облыс бюджеті есебінен дене шынықтыру-сауықтыру кешенінің және Бурабай ауданының Щучинск қаласындағы спорт сарайының құрылысы жүргізілуде.

«Спорт объектілерінің желісін ұлғайту жөніндегі жұмысқа бюджеттен тыс қаражат та тартылады. «Қазақстан Халқына» қоғамдық қорының қаражаты есебінен жылдам салынатын спорт кешені (Степногорск қ.), «Самұрық-Қазына» акционерлік қоғамының есебінен Целиноград ауданы Қажымұқан ауылыда ауа тіреуіш ғимараты базасында спорт кешені салынуда.» деп толықтырды басқарма басшысы.

Брифинг барысында басқарма басшысы жыл қорытындысынан бөлек алдағы жоспарларымен бөлісті. Оның айтуынша Қазақстан Республикасы Президентінің Жолдауда атап өткен тапсырмаларын орындау мақсатында 2024 жыл аяқталғанға дейін және 2025 жылға спорт саласының алдында бірқатар міндеттер тұр.

«Мемлекет басшысының тапсырмасы аясында облыстың грек-рим күресі, еркін күрес және биатлоннан 3 аға жаттықтырушысының біліктілігін арттыру курстарынан өту жұмыстары Хорватия, Корея, Чехия елдерінде басталды. Облыста қысқы спорт түрлері басым болып табылатындықтан, 2025 жылғы қаңтарда Турин қаласында қысқы Универсиадаға және 2025 жылғы ақпанда Қытайдың Харбин қаласында қысқы Азия ойындарына қатысу үшін шаңғы жарысы, биатлон және шорт-трек бойынша спортшыларды сапалы даярлауды қамтамасыз ету қажет», – деп түйіндеді Ардақ Төлендин.