Бейбіт Жұқаев Мексикадағы жарыста қарсыласын айқын басымдылықпен ұтты
АСТАНА. KAZINFORM — Қазақстандық, әлемнің 215-ракеткасы Бейбіт Жұқаев Морелия (Мексика) челленджер турнирін жеңіспен бастады.

https://kaz.inform.kz/news/beybt-zhukaev-meksikadagi-zharista-karsilasin-aykin-basimdilikpen-utti-bedeb0/

Қазақстандық теннисші алғашқы айналымда әлемнің 197-ракеткасы, Аустрия өкілі Юрий Родионовтың мысын басты.

Бұл матчта 6:3, 6:1 есебі тіркелді.

Небәрі 53 минутқа созылған бәсекеде Бейбіт 8 эйс жасап, 9 брейк-пойнттың төртеуін пайдаланды. Родионов 3 эйспен шектелді.

Бейбіт Жұқаев ширек финалға шығу үшін әлемнің 159-ракеткасы, канадалық Алексис Галарно немесе рейтингіде 176-орындағы бразилиялық Фелипе Мелигени Алвестің қай жеңгенімен таласады.

Осы жарыста тағы бір қазақстандық, рейтингіде 245-сатыдағы Дмитрий Попко бастапқы айналымда әлемнің 180-ракеткасы, франциялық Теренс Атманнан өтуге тырысып көреді.

Еске сала кетейік, бұдан бұрын Александр Бубликтің Майами турнирінде тартысты матчта жеңіліп қалғанын жазған болатынбыз.

https://kaz.inform.kz/news/beybt-zhukaev-meksikadagi-zharista-karsilasin-aykin-basimdilikpen-utti-bedeb0/